Dünyamin Məmmədov: “Ləyaqətli qələm sahibi, Zaur Ustac.”

Zaur Ustac yaradıcılığının “30” illik yubley tədbirləri çərçivəsində

“OTUZ ŞEİR, OTUZ FİKİR” layihəsindən  on üçüncü  yazı:

 

QTFS

Zaur Ustac yaradıcılığını mən həmişə maraqla izləmişəm… Mövzu rəngarəngliyi, səmimi duyğuların ifadə olunması, həyati mövzulara diqqət yetirməsi və s. xüsusiyyətlər  əsas məziyyətlər olub, oxucular üçün həmişə oxunaqlı eyləyir… Layihə üçün seçilmiş şeirin hər biri haqqında mən yalnız xoş sözlər deyə bilərəm…Əgər sıra ardıcıllığı ilə desəm,ilk şeir “Söz müqəddəsdir” adlanır…Doğrusu, bu şeirin elə ilk misrası məni tutdu: “Dostum, kəmənd ilə tutmazlar sözü, Cələ qur, dilinə qoy özü düşsün… “ Söz haqqında poeziyamızın dahilərinin söylədiyi fikirlər arasında, məncə, bu gözəl misraların da özünəməxsus yeri vardır… İkinci şeiri də bütünlüklə bəyənirəm… Burada da ecazkar Vətən torpağının gözəl tərənnümü vardır: “Gəzdim, qarış-qarış Vətən torpağın, Hər dağda, dərədə izim var mənim!… Hələ keçilməmiş, uca dağların, Uca zirvəsində gözüm var mənim!…” – “Dağlar” şeirini oxuyanda ustad Ələsgəri necə xatırlamayasan axı?!… Bu gözəl qoşmada təbiətin gözəlliyi ilə yanaşı yurd dərdi, el-obanın mövcud vəziyyəti də reallıqla təsvir olunmuşdur; “Dünya belə qalmaz, dəyişər zaman, Yenə dövran olar, həmənki dövran, Bulaqlar başında məclislər quran, Oğullar ərsəyə gələli, dağlar!… “ Şairin  Vətən haqqında şeirlərinin  yaradıcılığında ayrıca bir yeri vardır… Harada yazılmağından asılı olmayararaq, belə əsərlərdə torpaq sevgisi sanki bir qırmızı xətlə keçir… Əsgər balladsı adlandırdırılmış şeirdəki bu bəndi də çox bəyəndim; “Bu torpaqdan yoğrulmuşuq, Bu torpaqdan doğulmuşuq… Yardan əfsəl, anamızın Qulluğuna buyrulmuşuq!!! “Vətəni ana adlandırmaq hər bir oğulun borcudur. Zaur Ustacın npoetik qələmi öz borcunu ləyaqətlə yerinə yetirən bir şair-oğulun qələmidir… “Dostum” adlı şeirdə insanları doğru yaşamağa çağrış, “Həqiqət” şeirində isə dünyanın, həyatın, yaradılışın fəlsəfi gerçəkliyi öz  əksini tapmışdır… Hörmətli Zaur bəy, Sizə gələcəkdə də yaradıcılıq uğurları arzulayır və bir oxucunuz kimi əsrlərinizi oxumaqdan həmişə zövq alacağıma inanıram… Sağ olun, var olun!…

“OTUZ ŞEİR, OTUZ FİKİR” layihəsi.

 

Müəllif:  Dünyamin Memmedov

Advertisements

Şəhin Senayi Fərd: Zaur Ustac haqqında.

 

Zaur Ustac yaradıcılığının “30” illik yubley tədbirləri çərçivəsində

“OTUZ ŞEİR, OTUZ FİKİR” layihəsindən  on ikinci yazı:

QTFS

 

“Budağindan qopmuş;yaşil yarpağam;

Təbiət alibdi qoynuna məni.

Haraya gedirəm özüm də bilməm; .

Tanrim yönəldir yoluna məni…”

Zaur Ustac-Bakı

 

Zaur müəllimin mənali şerlərində ayıqlıq  qanad çalır,  o  halda ki,  yatanları  duru yol – yolağa çağırır,  duyğların hamı ilə  pay-bölüş edərkən …  Qələminin gücü və vücudunun sağlığı  arzumdu…

Sayqılarla: Şəhin Senayi Fərd.

“OTUZ ŞEİR, OTUZ FİKİR” layihəsi.

 

: زائور اوستاجا گؤره

20150925_221130

. اوستاجا گؤره یازارلار؛آنجاق یازارلار… یعنی شوبهه سیز کی؛حیکمه ت و سؤز؛اوجا تانرییا مخصوصدور بیز ساده جه؛دیکته اولونانلاری قه له مه آلان؛قه له م توتان قوللاریق. قه له مین صاحیبیده اودور

 

  اوستاجلییام الیم عرشی اعلادا   

  بو نه سیته م میلله تیم نه بلادا؟

 

Etibar Həsənzadə: Zaur Ustac haqqında.

Zaur Ustac yaradıcılığının “30” illik yubley tədbirləri çərçivəsində

“OTUZ ŞEİR, OTUZ FİKİR” layihəsindən  onuncu  yazı:

 

QTFS

Dəyərli sənət dostum Zaur bəyin şeirlərinə fikir söyləmək mənim üçün böyük məsuliyyətdir. Çünki, Zaur bəy həm sənətdə, həm də yaşda məndən böyükdür. Zaur bəyin təklifi ilə mən də, məmnuniyyətlə öz təəssüratlarımı bölüşürəm:

  1. Qələmlə elə yaz, qoy izi düşsün.

Bu bir sətirdə ayların, illərin əziyyətli, yuxusuz gecələri, yaşanmış hisslərin ürəkdən gələn ifadəsi var. Ancaq belə yazılan şeirlər əsrlərə iz salar.

  1. Hər otun, çiçəyin halın soraraq,

Sinəmə yığdığım sözüm var mənim!!!

Bu misralarda bütün otların, çiçəklərin ruhunu duyan, nədən belə gözəl və xoş ətirli olduğunu bilən bir şairin duyğuları var. Ən gözəl və ən xoş ətirli çiçəklər Əli (ə)-ın vilayətini qəbul edənlərdir. Qızıl gülə peyğəmbər gülü də deyirlər, ləçəklərinin düzülüşündə peyğəmbərimizin və onun ailə üzvlərinin adı yazılıb. Məncə Zaur bəyin bu mənada sinəsinə yığdığı çox sözləri var.

  1. Bu gün elə yaşa, elə iş gör ki,

Peşiman olma, çalınanda “Sur”!

Bu misralarda əsil insan necə yaşamalıdır, bu günün əməlləri ilə öz axirətini necə qazanmaq lazımdır deyə bir mesaj var. Çünki, insan bü günki yanlış addımlarının haqq-hesabını, zamanı çatanda mütləq verəcəkdir. Bu mənada Zaur bəyin şeirlərində çox ibrətamiz nəsihətlər var.

  1. Gülər gözdən qəm süzülər, bilinməz.

Misradan göründüyü kimi, Zaur bəy insan psixologiyasını gözəl bilir. Hər zaman həyatda ən çox dərdi olan insanlar, onu ətrafındakılardan gizlətmək üçün çox gülərlər. Çünki, qəmini, kədərini bəlli edərsən, dost kədərlənər, düşmən sevinər.

  1. Küskündü, inçikdi Qarabağ Atı !!!

Köçkündü, qəribdi Qarabağ Atı !!!

Bu ağrılı misralar Qarabağın sağalmaz, qara dərdlərinin ən gözəl ifadəsidir. Atsız qalan Qarabağ igidlərinin çarəsizliyinin, yurd, el-oba, Vətən dərdlərinin ifadəsidir. Bu iki misra 26 ilin ağrı, acısının ifadəsidir. Bu mənada Zaur bəyin yaradıcılığı çox diqqət çəkicidir, az sözlə, çox şeyləri ifadə edir.

  1. Zərrədə var olan gücdü Yaradan…

Tək bu cümlədən cildlərlə kitab yazmaq olar….

Zaur bəyin yaradıcılığı – şeirləri çoxşaxəli və düşündürücüdür. Mən Zaur bəyə yaradıcılığında böyük uğurlar arzulayıram.

18.04.2018.

QISA ARAYIŞ:

Etibar Həsənzadə,

Yazar.

“OTUZ ŞEİR, OTUZ FİKİR” layihəsi.

Müəllif:  Yazar Etibar Həsənzadə

Psixoloq Lalə Əhmədova: – “Zaur Ustac, həlim, xalqa yaxın şairdir…”

Zaur Ustac yaradıcılığının “30” illik yubley tədbirləri çərçivəsində

“OTUZ ŞEİR, OTUZ FİKİR” layihəsindən  səkkizinci  yazı:

 

QTFS

 

Zaur Ustac ədəbiyyatda öz üslubu ilə seçilən həlim, xalqa yaxın şairlərdən biridir. Daim Vətənpərvərlik mövzusuna toxunan, gözəl qələm sahibi rahat anlaşıqlı, xalqa yaxın, öz səmimi şeirləri ilə həmişə seçilib.

Onun şerlərində Vətənə olan sevgisi, daim Vətən üçün döyünən şair ruhu hiss olunur.

Seirlər tez mənimsənilən yadda qalan, duyğulandıran, düşündürən nə desəz var bu yaradıcılıqda…

Gözel insan, gözel şair Sizə can sağlığı, daha uca zirvələr fəth etmənizi  ve daim  zirvələrdə olmanızı arzu edirəm,  əziz  Zaur Ustac. Uğurlarınız bol olsun!!!

Müəllif: Lale Ahmedova

 

QISA  ARAYIŞ:

Psixoloq,

Lale Ahmedova.

“OTUZ ŞEİR, OTUZ FİKİR” layihəsi.

Zaur Ustacdan yeni kitab: – “Otuz ildir, əldə qələm…”

otuzb

Zaur Ustacdan yeni kitab: – “Otuz ildir, əldə qələm…”

 

KİTAB HAQQINDA MƏLUMAT:

 

Zaur USTAC, “OTUZ İLDİR, ƏLDƏ QƏLƏM” (1988 – 2018)

Bakı, “USTAC.AZ” nəşrləri, 2018, 74  səh, (PDF – 84 səh).

Kod: 004-04- MZM-14 -20-18

İSBN:  978-9952-8298-9-1

PDF: – ZU — OƏQ

© Zaur USTAC, 2018.

QISA MƏLUMAT:

Bu kitab, Zaur  Ustac  yaradıcılığının “30” illik  yubley tədbirləri  çərçivəsində  nəşr olunur. Kitabda  ön  söz  və son  söz  əvəzinə  işlənmiş  şeirlərdən  əlavə  müəllifin  müxtəlif  illərdə  yazdığı  43  şeir toplanmışdır.  Şeirlər  elə seçilib ki, onları  oxumaqla  şairin  dünyaya  baxışı, həyat  fəlsəfəsi, ədəbi  görüşləri  və  bədii  yaradıcılığı  haqqında  istiqamətverici  fikrə sahib olmaq olar.

 

“USTAC.AZ” NƏŞRLƏRİ

Mayıl Dostu: – Zaur Ustac haqqında.

Zaur Ustac yaradıcılığının “30” illik yubley tədbirləri çərçivəsində

“OTUZ ŞEİR, OTUZ FİKİR” layihəsindən  altıncı  yazı:

 

QTFS

Müxtəlif mövzulara müraciət etməsi, rəvan poetik dili, lirik təhkiyə ilə şair düşüncəsinin qarşılıqlı əlaqəsi, milli dəyərlərin sevgi ilə qabardılması Zaur Ustac poeziyasının əsas xüsusiyyətləridir. Vətən sevgisi, milli kimliyimiz, vətandaş təəssübkeşliyi və s. kimi məsələlər şairin bir çox şerlərinin əsas qayəsidir, şair Vətənin quru daşını da, gül- çiçəkli çəmənliyi qədər sevir. Təbiət, sevgi-məhəbbət, bəşəri mıvzularda yazdığı şerlərdə şair, oxucunu düşündürməyi, onu ram etməyi bacarır. Şairə yeni yaradıcılıq uğurları arzulayıram!

Müəllif: Mayil Dostu

QISA ARAYIŞ:

Mayıl Dostu,

Pedaqoji Elmlər üzrə Fəlsəfə doktoru.

“OTUZ ŞEİR, OTUZ FİKİR” layihəsi.

Lilpar Cəmşidqızı: – “İstedad Allah vergisidir” – Zaur Ustac haqqında.

Zaur Ustac yaradıcılığının “30” illik yubley tədbirləri çərçivəsində

“OTUZ ŞEİR, OTUZ FİKİR” layihəsindən  beşinci  yazı:

 

QTFS

Əsirlərdən, qərinələrdən bizə gəlib çatan bu cümlə “İstedad Allah vergisidir” kəlamı həmişə özünü doğruldub. Həqiqətən də yer kürəsində olan insanların məhz hamısı yox, yalnız seçilmişlərində qeyri-adi istedad olur. Yazıçılar, şairlər bu insanların arasında ən seçilmiş bəndələrdir. Zaur Ustac məhz belə insanlardandır. Onun şeirərində Vətən, Torpaq mövzusu əsas şərtlərdən biridir. Şairin yazdığı şeirlər gənclərimizi vətənpərvərliyə ruhlandırır. Zaur Ustac yaradıcılığına nəzər salanda görürük ki, şair hər an özünü cəbhədə əsgərlərimizin yanında hiss edir. Şəhidlərimiz haqqında yazdığı şeirlərində qəhrəman Vətən oğullarının igidliyini tərənnüm eləmişdi. Uzun illər ədəbiyyatla məşgul olsam da, bu vaxta qədər minlərlə şeirlər oxusam da Zaur Ustacın şeirləri özlərinin sadəliyinə, fikir yükünə, obrazlı ifadələrinə, fəlsəfi duyumuna görə çox xoşuma gəldi. Zaur Ustacın yaradıcılığını daima izləyən bir şair həmkarı kimi şairin şeirlərini çox bəyənirəm və bu müqəddəs yolda ona uğurlar arzulayıram.

Müəllif: Lilpar Cəmşidqızı

QISA ARAYIŞ: 

Lilpar Cəmşidqızı

Şairə.

 

“OTUZ ŞEİR, OTUZ FİKİR” layihəsi.

Elnur Qərari : – Zaur Ustac şeirlərdə vətən torpağının ətri…

 

Zaur Ustac yaradıcılığının “30” illik yubley tədbirləri çərçivəsində

“OTUZ ŞEİR, OTUZ FİKİR” layihəsindən  dördüncü  yazı:

QTFS

Dünya qloballaşır, bəşər düşüncəsi kosmopolit yön alır, lakin bütün bu sürətli hadisələrin fonunda uzaqdan bir işıq görünür – Vətən.

Torpağa tapınmaq, vətənin qoxusu ilə nəfəs almağın həzzini yaşamaq hər insana nəsib olmur. Bu mübarək hissi yaşamağın özü bir şərəfdir.

Zaur Ustac şeirlərdə vətən torpağının ətrində məst olan bir insan kimi misralarını da vətən rənginə boyayıb.

 

Nədəndi, ürəyim çırpınır  yenə,

Gördükcə hüsnündə məlalı, dağlar?! 

 

–deyir şair və vətən aşiqi olduğunu isbat edir, göstərir ki,vətən həsrəti çəkmək insanlığın bariz göstəricisidir.
Yağı cövlan edir, dağıdır yenə,
Qoynunda büsatı, cəlalı, dağlar!
Bu mirsalarda nəfəsi ilə, misraları ilə düşmənə hayqırır, ona hücum edir. Əslində şair silahı onun çılğın misralarıdır.
Nədir yenə, ümman kimi,
çalxalanıb, coşdun, ürək?
İçindəki bu təlatüm,
bu oyanış de nə demək
Bu sətirləri oxuduqca şairin romantik zənginliyinə enirsən, onun ekzistensial aləmini kəşf edirsən. Ürəyin-qəlbin ahəngini vəsf edir şairimiz.

 

Biz bilən ölçülər büsbütün yaddır,
Çoxunun bildiyi quruca addır,
Sərhədsiz, hüdudsuz qurucu zatdır,
Bir “ol” – da var olan gücdü Yaradan….

 

– deyir şair və əslində bununla dərin bir həqiqət aşılayır oxucusuna

– Tanrı həqiqəti. Ta qədimdən bu günə qədər “Uca Yaradan” ədəbiyyatın ən ehtişamlı mövzularından olub və bəlkə də klassik ədəbiyyatın ən fundamental mövzusu olub. Bizim şair də bu möhtəşəm reallığa biganə qalmayıb və Tanrıdan savayı bütün varlıqların əslində yad olduğunu, təkcə Uca Rəbbimizin bizə doğma olduğunu gözəl ibarələrlə dilə gətirib, təsbit edib.

Ümumiyyətlə Zaur Ustac şeirlərinin milli ruhu güclüdür, səmimidir, aydın və işıqlıdır.     

Arzumuz budur ki, şair bu cür vətəncanlı, torpaq ürəkli, insan düşüncəli şeirlərini mütəmadi qələmə alsın. Ümüdvaram ki, tezliklə Zaur Ustac  doğulduğu vətən torpağına qayıdacaq, yeni təsüratlarla yeni duyğularla daim yazıb yaradacaq. Bu bizim müqəddəs amalımızdır.

Müəllif:  Elnur Qərari

 

QISA ARAYIŞ:

 

Elnur Qərari,

şair,

Azərbaycan Yazıçılar Birliyinin üzvü.

 

“OTUZ ŞEİR, OTUZ FİKİR” layihəsi.